Nor
gara?
Grupo Empresarial Larrión altzairu-ebaketa, kable eta elektronika sektoreetan ibilbide luzea duten sei enpresa-erakundek osatutako taldea da. Gure egoitza nagusia Nafarroan dago, baina presentzia dugu Euskal Autonomia Erkidegoan eta Madrilenere.
Sektore horietan estatuan erreferente izateko eta nazioartean presentzia izateko sinergiak lortzeko helburuarekin sortu da taldea, zerbitzu global bikaina eta bezeroei egokitutakoa eskainiz.
Teknologia berriena txertatuz eta bere langileen garapen profesionala ziurtatuz, Grupo Empresarial Larrión taldeak enpresa-talde sendo eta kaudimenduna bihurtu nahi du, bere merkatuetan aitzindari izango dena negozio-dibisio guztietan.
200 langile baino gehiagoko plantillarekin, Grupo Empresarial Larrión taldeak ibilbide luzeko enpresak ditu, 20 urtetik gorako esperientzia dutenak eta euren merkatuetan indartsuak direnak, ematen dituzten produktuak eta zerbitzuak eta ingurumena eta langileak zaintzeko ikuspena etengabe hobetzeko konpromisoari eusteko orduan bat datozenak.
Gizarte Erantzukizun
Korporatiboa
Grupo Empresarial Larrión taldeak talentu gaztearen aldeko eta kirol gutxiengodunen aukerak ugaltzearen aldeko apustua egin du, Nafarroako Lakarri Arku Eskolari eta Irati Zurbano arku-tiroko etorkizun oparoko gazteari laguntza eskainita.
Lakarri kluba Eguesibarren dago. 8 eta 16 urte bitarteko ume eta gazteentzako arku-tiroko eskola da eta metodologia parte-hartzailea, dinamikoa eta jostagarria erabiltzen du. Grupo Empresarial Larrion taldeak balio horiek babesten ditu.
Irati Zurbanok, 21 urteko arkulari nafar eta kirol horretan etorkizun oparoa duenak, Grupo Empresarial Larrión taldearen babesa du materialak erosteko eta lehiaketako bidaia-kostuei aurre egiteko. Zurbano Espainiako txapeldun izan zen 14 urterekin eta urrezko domina lortu zuen Europen Archery Festival lehiaketan. 2018ko irailean Munduko Txapelketan hartu du parte Italian, eta 19. postuan sailkatu zen.