Kablea

Zerbitzuak

Kableatuan eta konexioetan espezializatutako Meco (Zamudio, Euskal Autonomia Erkidegoa) eta Cayata (Getafe, Madril) enpresen bitartez Grupo Empresarial Larrión taldeak aplikazio-mota guztietarako kableatuak diseinatu, fabrikatu eta muntatzen ditu. Hiru enpresen artean 7.300 m² baino gehiagoko azalera osatzen dute eta hiruren arteko osagarritasunak aukera ematen du industria-zerbitzuen katalogo oso zabala eskaintzeko, edozein kableatu-mota manipulatzeko eta eratzeko gaitasunarekin, bere azken aplikazioa, neurriak edo zehaztapen teknikoak kontuan izan gabe.

Gure produktuak ingurumena errespetatuko dutela bermatzen dugu, gure jarduera guztian jasangarritasunaren aldeko apustua eginez. Horrez gain, gure sektoreko produkzio-baliabide aurreratuenak erabiltzen ditugu eta gure profesionalen goi mailako trebakuntzan bermatzen gara, lehiakortasun-, malgutasun-eta kalitate-maila handiko produktuak eta prozesuak lortuz.

Azken puntu hori modu berezian zaintzen dugu Cayata enpresako laborategian egiten diren kontrol-prozesuan eta saiakuntzetan.

Makinak

2018an, Grupo Empresarial Larrión taldeak 300.000 euro inguru inbertitu ditu kableatu-dibisiorako makina berrietan. Horri esker, Meco eta Cayata enpresek makina-sorta bikaina dute, betiere fabrikatzaile onenenak. Ebaketa egiteko, estalkia kentzeko eta ahokatzeko hainbat linea automatiko nabarmentzen dira eta markaketako, tanpografiako, poliamida injekzioko, hodi-ebaketako eta muntaketako prozesu bereziak ere egin ditzakete.

Markaketa-prozesu eta guzti neurtzeko, ebakitzeko, estalkia kentzeko eta ahokatzeko teknologia berrieneko makina horiez gain, tresnak, prentsak eta aplikagailuak ere lehen marketakoak dira eta eskatutako ziurtagiri guztiak dituzte. Kontrol eta egiaztapen elektrikoko hainbat metodo ere baditugu, banku gainean nahiz taula gainean. Esparru horretan ere merkatuko hornitzaile onenak ditugu.

Bezeroak

Gure bezeroak askotariko sektoretakoak dira, baina gure zerbitzuak jasotzen dituzte taldea eratzen duten enpresen osagarritasunari esker. Horrela, automobilen sektoreko enpresetarako egiten dugu lan, ibilgailu konbentzional, hibrido nahiz elektrikoetarako: turismoak, industrialak, komertzialak, bidaiarienak eta nekazaritzakoak. Seinale- eta potentzia-kableak egiten ditugu, ibilgailu osorako multzo osoak. Linea zuriko hainbat bezerorentzat ere fabrikatzen dugu, etxetresna elektriko horien bitartez milioika etxeren egunerokotasuna hobetuz. Aurrekoaz gain, gure bezeroak hotz industrial eta komertzialeko industriakoak dira, egokitzapen orokorreko makinetakoak, era guztietako makina-erremintakoak, ekipamendu fotovoltaiko, eoliko eta salmenta automatikokoak, esparru espazial, aeronautiko eta militarreko zenbait bezero ahaztu gabe.

Kalitatea

Kableatuko enpresek kalitate-departamentu propioa dute, kalitateko ISO 9001:2015, ingurumen-kudeaketako ISO 14001 eta ISO/TS 16949ziurtagirien baldintzak kudeatzeko eta betetzeko, eta baita ULziurtagiria ere.

Getafeko (Madril) Cayata enpresan dago gure laborategia. Erabiltzen ditugun material guztien kalitatea eta produkzio-prozesuen eraginkortasuna bermatzeko behar diren saiakuntza guztiak egiteko hornituta eta egokituta dago. Kableen iraunkortasuneko eta erresistentzia ohmikoko saiakuntzak egiten ditugu, indarrekoak (terminalen/kableen trakzioa), zulaketa elektrikoko saiakuntzak (50 Kw-raino) eta kontrol-ekipamenduak kalibratu eta egiaztatzekoak. Beste batzuen artean, neurketa-ekipamenduak, profilen proiektorea, 50 Kw-rainoko zulaketa-tentsioko ekipamendua, doitasun-balantza eta hotz-ekipamendua ditugu.

Gure laborategiko langileak gure bezeroek eskatzen dizkiguten barne-saiakuntza gehigarriak egiteko prestatuta eta kalifikatuta daude.